AP.5.54




ΔΙΟΣΚΟΡΙΔΟΥ


Μήποτε γαστροβαρῆ πρὸς σὸν λέχος ἀντιπρόσωπον 

  παιδογόνῳ κλίνῃς Κύπριδι τερπόμενος.

μεσσόθι γὰρ μέγα κῦμα καὶ οὐκ ὀλίγος πόνος ἔσται

  τῆς μὲν ἐρεσσομένης, σοῦ δὲ σαλευομένου.

ἀλλὰ πάλιν στρέψας ῥοδοειδέι τέρπεο πυγῇ, 

  τὴν ἄλοχον νομίσας ἀρσενόπαιδα Κύπριν. 


τέρπω & verkwikken, verzadigen

κλῑνη & bed, bank, baar 

μέσσοθῐ & in het midden

ἐρέσσω & roeien 

σαλεύω & schudden 

νομίζω & gewoon zijn